Сахалартан бастакы генералынан А.И.Притузов буолбута.
Андрей Иванович 1894 сыллаахха Покровскайга удьуор дьаамсыктар дьиэ кэргэттэригэр төрөөбүтэ. Икки сыллаах педагогическай кууруһу бүтэрбит. 1914 сыл тохсунньутугар аармыйа кэккэтигэр ыҥырыллыбыт. Аан дойду бастакы сэриитин прапорщик чыыннаах түмүктээбит уонна Кыһыл аармыйа кэккэтигэр киирбит. Гражданскай уонна Аҕа дойду Улуу сэриитигэр кыргыспыт. Аҕыс бойобуой уордьан кавалера буолбут уонна элбэх мэтээлинэн наҕараадаламмыт. 1977 сыллаахха Москубаҕа генерал-майор сыбаанньалаах сылдьан өлбүт. Кини кырамтатын күлэ Покровскайга хараллыбыт. Покровскай биир уулуссата А.И.Притузов аатын сүгэр.
Комментариев нет:
Отправить комментарий